"Min ev roman nivîsî; ji ber ku dema cîhana çîrvanokî ya gundên wek Mişrîta yên li nava çiyayên yekşibêtî bihuştê ava bûyî bi dagirkirina serbazan xalî dibûn, min xwest bibihîzin bê çawa mirovên wan ên bi qasî heba hinarê narîn li kuçeyên bajaran belav bûn û çawa li wan deran bûn dêran. Min ev roman nivîsî; ji ber ku min xwest bizanibin yên şewitandî û kavil kirî ne bi tenê banên xaniyan in û bibînin janeke çawa ye wekî yên ku mirin bes bibine jimar û tune bêne hesibandin. Min ev roman nivîsî; ji ber ku min xwest bîra erdnîgariyê û lewheya wê ya parastî di çîroka malbata Almast û Hesen de biheyînim. "
--5evonte.png)